5 People In India 13 Years Girl Raped In Running Bus

بنارس: بھارتی ریاست مدھیہ پردیش میں 5 افراد نے 13 سال لڑکی کو چلتی بس میں زیادتی کا نشانہ بنا کر اسے انتہائی تشویشناک حالت میں بس سے دھکا دے دیا۔بھارتی میڈیا کے مطابق یہ اندوہناک سانحہ مدھیہ پردیش کے ضلع سنگراولی میں اس وقت پیش آیا جب ایک لڑکی بس میں سوار ہوئی تو اس میں موجود درندہ صفت انسان نے چلتی بس میں نہ صرف اسے زیادتی کا نشانہ بنا یا بلکہ اپنی درندگی کا مزید ثبوت دیتے ہوئے اسے بس سے ہی نیچے دھکا دے کر فرار ہوگئے، لڑکی کو قریبی سرکاری اسپتال منقل کردیا گیا جہاں اسے طبی امداد فراہم کی جارہی ہے جب کہ ڈاکٹرز کے مطابق اس کی حالت انتہائی تشویشناک ہے ۔مقامی پولیس نے مقدمہ درج کرکے تحقیقات کا آغاز کردیا ہے، پولیس کا کہنا ہے کہ زیادتی میں ملوث افراد کی صحیح تعداد کے بارے میں تو کچھ نہیں کہا جاسکتا تاہم اس بات کا امکان ہے کہ لڑکی کے ساتھ اس انسانیت سوز حرکت میں کم از کم 5 افراد ملوث تھے۔واضح رہے کہ دسمبر 2012 میں بھارتی دارالحکومت نئی دلی میں بھی ایسا ہی ایک دلخراش واقعہ پیش آیا تھا جس میں 23 سالہ طالبہ کو چلتی بس میں اجتماعی زیادتی کا نشانہ بنایا گیا تھا اور لڑکی بعد میں زخموں کی تاب نہ لاتے ہوئے دم توڑ گئی تھی جس کے بعد بھارت میں ایک بونچھال آگیا تھا۔
5 People In India 13 Years Girl Raped In Running Bus